Samba-Enredo 2024 - EDM Je T'aime

Oh
Mindel bsti d’gala bo bem recebe
Estrela más cintilante q’algum dia bem parce
Tá brilhá na coraçon d’nos gent
N’intentaçon dess carnaval d’soncent

Oh estrela
Oh, oh, oh, oh estrela do mar
Princesinha q’nôs tud tem na peit
Braça bô cidade, bô bem celebrá
Cinquenta on dum união más que perfeit

Bo tive fástod, má bó ca tava mort
Tud vez q’bô vrá, bô voltá más fort
Bo tive fástod, má bó ca tava mort
Tud vez q’bo vrá, bo voltá más fort

Já bô desfilá enfeitód sô q’um estrela dourod
Bô sereia encantód spaiá glamour na tchon d’morada
Alô rua d’Lisboa, êss casament divinal
Êss romance de carnaval já vrá um conto d’fada

Edm je t’aime! Edm je t’aime
Edm je t’aime! Edm je t’aime
Bô boda d’or tem soncent ta sambá
Bô boda d’or tem soncent ta sambá
Edm je t’aime! Edm je t’aime
Edm je t’aime! Edm je t’aime
Sem cond d’rusga nem cunvdód
Sem cond d’rusga nem cunvdód
Hoj nos contaê somá
Hôj nos conta ê somá